យុវជន ស.ស.យ.ក.ស្រុកគីរីវង់ បានចូលរួមជាមួយក្រុមផ្សព្វផ្សាយជំងឺកូវីដ-១៩ បានបន្តចុះអប់រំ ណែនាំ និងផ្សព្វផ្យាយ ដល់ប្រជាពលរដ្ឋក្នុងមូលដ្ឋាន
យុវជន ស.ស.យ.ក.ស្រុកគីរីវង់ បានចូលរួមជាមួយក្រុមផ្សព្វផ្សាយជំងឺកូវីដ-១៩ បានបន្តចុះអប់រំ ណែនាំ និងផ្សព្វផ្យាយ ដល់ប្រជាពលរដ្ឋក្នុងមូលដ្ឋាន ភូមិត្រើយទន្លាប់ ភូមិកំពង់ ឃុំព្រះបាទជាន់ជុំ និងភូមិព្រៃតាម៉ៅ ឃុំគិរីចុងកោះ ដែលមានខ្លឹមសារដូចខាងក្រោម៖ ១- គោលនយោបាយភូមិឃុំមានសុវត្ថិភាព។ ២- វិធានការការពាជំងឺកូវីដ-១៩ ៣ការពារ ៣កុំ។ ៣- ការធ្វើចត្តាឡីស័កតាមផ្ទះ សូមធ្វើឲ្យបានត្រឹមត្រូវតាមការណែនាំរបស់អាជ្ញាធរមានសមត្ថកិច្ច។ ៤- បងប្អូនដែលបានប៉ះពាល់ ឬពាក់ព័ន្ធជាមួយអ្នកផ្ទុក មេរោគកូវីដ-១៩ សូមទៅយកសំណាកពិនិត្យសុខភាពនៅមន្ទីរពេទ្យបង្អែកស្រុក។ ៥- បច្ចុប្បន្នភាពនៃការរីករាលដាលនៃជំងឺកូវីដ-១៩ និងផលវិបាកនៃការឆ្លង។ ៦- សុំឲ្យប្រជាពលរដ្ឋ ចូលរួមសហការជាមួយអាជ្ញាធរ និងរាយការណ៍ គ្រប់ករណីដែលពាក់ព័ន្ធនឹងជំងឺកូវីដ-១៩ ក្នុងភូមិរបស់ខ្លួន។ ការចូលរួមរបស់យើងទាំងអស់គ្នា ជាឱសថដ៏សក្តិសិទ្ធក្នុងការព្យាបាល ការពារការឆ្លងរីករាលនៃជំងឺកូវីដ-១៩ នៅភូមិឃុំរបស់យើង។ ថ្ងៃសុក្រ ១រោច ខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៥ ខែមិថុនា ឆ្នាំ២០២១
