លោក អ៊ុំ ចំរើន ប្រធានសហភាពសហព័ន្ធយុវជនកម្ពុជា ស្រុកទ្រាំង បានដឹកនាំសមាជិក សមាជិកា សហភាពសហព័ន្ធយុវជនកម្ពុជាស្រុក និងអាជ្ញាធរឃុំ ភូមិ នាំយកអំណោយរបស់ លោក សុខ ពុទ្ធិវុធ ប្រធានសហភាពសហព័ន្ធយុវជនកម្ពុជា ខេត្តតាកែវ និងអំណោយរបស់សប្បុរសជន ចុះសួរសុខទុក្ខគ្រួសារដែលមានជីវភាពខ្វះខាត ចំនួន០៥គ្រួសារ នៅភូមិគ ឃុំអង្គខ្នុរ ស្រុកទ្រាំង ខេត្តតាកែវ ។ ក្នុងនោះ ០១គ្រួសារទទួលបាន៖ អង្ករចំនួន ១០គីឡូ, មី ២៥កញ្ចប់, ត្រីខ ០៥កំប៉ុង, ទឹកត្រី ០៣ដប, ទឹកស៊ីវអ៊ីវ ០៣ដប, ម៉ាស់ពេទ្យ ០១ដុំ, សាប៊ូ ០២ដុំ និងទឹកសុទ្ធ ០១យួរ។ ឆ្លៀតក្នុងឱកាសនេះដែរ ក្រុមការងារក៏បានផ្សព្វផ្សាយ ណែនាំដល់បងប្អូនប្រជាពលរដ្ឋ សូមរស់នៅតាមបែបគន្លងថ្មី និងអនុវត្តតាមវិធាននានារបស់ក្រសួងសុខាភិបាល ប្រកាន់ខ្ជាប់នូវវិធាន ៣ការពារ និង៣កុំ ដើម្បីការពារខ្លួននិងសហគមន៍ កុំឱ្យឆ្លងជំងឺកូវីដ-១៩។    ថ្ងៃចន្ទ ១៣កើត ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៤ ខែឧសភា ឆ្នាំ២០២១