ឯកឧត្ដម សុខ ពុទ្ធិវុធ ប្រធាន ស.ស.យ.ក. ខេត្តតាកែវ បានចូលរួមពិធីសម្ពោធដាក់ឲ្យប្រេីប្រាស់ជាផ្លូវការ «អគារខេមរានី» នៃទីស្នាក់ការសហភាពសហព័ន្ធយុវជនកម្ពុជា រាជធានីភ្នំពេញ នៅវិថីសិល្បៈ ភូមិព្រែកលៀប សង្កាត់ព្រែកលៀប ខណ្ឌជ្រោយចង្វារ។
ពិធីនេះស្ថិតក្រោមអធិបតីភាព ឯកឧត្ដម ហ៊ុន ម៉ានី ប្រធានសហភាពសហភាពសហព័ន្ធយុវជនកម្ពុជា ដោយមានការចូលរួមពីតំណាង ស.ស.យ.ក. តាមបណ្តាស្រុកក្នុងខេត្តតាកែវ និងតំណាងយុវជន ស.ស.យ.ក. តាមបណ្តាក្រសួងស្ថាប័ន និងខេត្តនានាយ៉ាងច្រើនកុះករផងដែរ។