លោក អ៊ុំ ចំរើន ប្រធាន ស.ស.យ.ក.ស្រុកទ្រាំង បានដឹកនាំសមាជិក សមាជិកា ស.ស.យ.ក.ស្រុក ឃុំ ដោយមានការចូលរួមពីអាជ្ញាធរឃុំ ភូមិ នាំយកអំណោយជាគ្រឿងឧបភោគ បរិភោគ របស់ លោក សុខ ពុទ្ធិវុធ ប្រធានសហភាពសហព័ន្ធយុវជនកម្ពុជា ខេត្តតាកែវ និងអំណោយសប្បុរសជន ចុះសួរសុខទុក្ខគ្រួសារដែលកំពុងធ្វើចត្តាឡីស័កនៅផ្ទះ ដែលប៉ះពាល់ផ្ទាល់ជាមួយអ្នកវិជ្ជមានជំងឺកូវីដ-១៩ នៅភូមិដូនភើ ចំនួន០១គ្រួសារ មានសមាជិក០៦នាក់ ស្រី០៥នាក់ ឃុំខ្វាវ ស្រុកទ្រាំង ខេត្តតាកែវ ។ អំណោយរួមមាន៖ អង្ករចំនួន ១០គីឡូ, មីខ្លាឃ្មុំ ២៥កញ្ចប់, ត្រីខ ០៥កំប៉ុង, ទឹកត្រី ០៣ដប, ទឹកស៊ីវអ៊ីវ ០៣ដប, ម៉ាស់ពេទ្យ ០១ដុំ, សាប៊ូ ០២ដុំ និងថវិកាចំនួន ២០,០០០៛ (ពីរម៉ឺនរៀល)។ ឆ្លៀតក្នុងឱកាសនោះដែរ ក្រុមការងារក៏បានផ្សព្វផ្សាយ និងណែនាំដល់ពួកគាត់ បន្តអនុវត្តឱ្យបានខ្ជាប់ខ្ជួននូវវិធាន ៣ការពារ ៣កុំ ដើម្បីទប់ស្កាត់ការចម្លងជំងឺ-១៩ នៅក្នុងសហគមន៍។                                                                                                                                                                                                                                                        ថ្ងៃសុក្រ ៩រោច ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៤ ខែមិថុនា ឆ្នាំ២០២១