ក្រុមការងារ ស.ស.យ.ក. ស្រុកព្រៃកប្បាស បាននាំយកបច្ច័យរបស់ លោក សុខ ពុទ្ធិវុធ ប្រធាន ស.ស.យ.ក. ខេត្តតាកែវ និង សមាជិក សមាជិកា ស.ស.យ.ក. ស្រុក ចូលរួមជាមួយព្រះធម្មភទ្ទវេទី គង់ វណ្ណ: ព្រះចៅអធិការវត្តព្រៃល្វា ដើម្បីចែកជូនប្រជាពលរដ្ឋដែលមានជីវភាពក្រីក្រចំនួន៦គ្រួសារ ក្នុងនោះ៤គ្រួសារ រស់នៅក្នុងភូមិត្រពាំងរកា និង២គ្រួសារទៀតរស់នៅភូមិព្រីង ឃុំអង្កាញ់ ស្រុកព្រៃកប្បាស ខេត្តតាកែវ។ ក្នុងមួយគ្រួសារទទួលបាន អង្ករ៥០គីឡូក្រាម មី២កេះ ធុងទឹកក្តៅ១ កំសៀវទឹក១ ទឹកត្រី១យួរ កន្ទេល១ មុង១ ថវិកា២០០.០០០៛ រួមជាមួយគ្រឿងឧបភោគបរិភោគមួយចំនួនទៀត ។ លោក ឈាវ ហ៊ ប្រធានក្រុមប្រឹក្សាស្រុកស្តីទីរួមជាមួយព្រះធម្មភទ្ទវេទី គង់ វណ្ណ: ព្រះគ្រូចៅអធិការវត្តព្រៃល្វា បានដឹកនាំចែកជូនដល់ប្រជាពលរដ្ឋខាងលើ និងមានការនិមន្តចូលរួម និងចូលរួម ពីព្រះគ្រូចៅអធិការវត្តក្រាំងស្លា វត្តអង្កាញ់ វត្តសមរមេត្រី វត្តព្រផ្តៅ វត្តចំណោម អាជ្ញាធរដែនដី នៅក្នុងឃុំអង្កាញ់ និងសប្បុរសជនជាច្រើននាក់ទៀត។