លោក ហង្ស វិច្ឆិការាស្សី អភិបាលរងស្រុកបាទី និងជាប្រធានស.ស.យ.ក. ស្រុកបាទី បានដឹកនាំសមាជិកសមាជិកា ស.ស.យ.ក. ស្រុកបាទី ចូលរួមពិធីបុណ្យវិសាខបូជា ដែលរៀបចំដោយព្រះគ្រូធម្មសរមុនីព្រះនាម ភួង ម៉ិញ ព្រះគ្រូអនុគណស្រុកបាទី ស្ថិតនៅវត្តទេពបូរី ឃុំក្រាំងធ្នង់ ស្រុកបាទី ខេត្តតាកែវ ដែលពិធីនេះមានការនិមន្ត និងអញ្ជើញចូលរួមពីសំណាក់ ព្រះចៅអធិការវត្ត គ្រូសូត្រស្តាំ ឆ្វេង ព្រះថេរានុថេរៈគ្រប់ព្រះអង្គ តាមបណ្តាវត្តចំណុះស្រុក លោក លោកស្រី មន្ត្រីរាជការ កងកម្លាំងចំណុះស្រុក អាចារ្យគណៈកម្មការវត្ត ពុទ្ធបរិស័ទគ្រប់ទិសទី ប្អូនៗសិស្សានុសិស្ស យ៉ាងច្រេីនកុះករផងដែរ។
ពិធីវិសាខបូជា គឺជាទិវាប្រវត្តិសាស្ត្រដ៏សំខាន់មួយ ដែលពុទ្ធសាសនិកជនគ្រប់រូបនៅទូទាំងពិភពលោកតែងប្រារព្ធឡេីងជារៀងរាល់ឆ្នាំក្នុងគោលបំណងរំលឹកដល់ថ្ងៃពិសេសរបស់សម្មាសម្ពុទ្ធ ដែលទ្រង់ប្រសូត ត្រាស់ដឹង និងបរិនិព្វាន។